Се сеќавате на игрите кои ги игравме во училиште? Се сеќавате на кратките театарски претстави кои си ги правевме на часовите по македонски, или експериментите кои ги правевме на физика и хемија? Да се вратиме малку назад во времето и да се присетиме на сите оние работи кои сме ги научиле преку игра и забава, на училиште или дома, кои оставиле уникатен печат врз она што сме денес. Да се присетиме колку тие активности и игри, всушност, нѐ изградиле во личностите кои сме денес.
Сега имаме можност да се вратиме назад во времето и да им пренесеме парче од нашите спомени и искуства на најмладите.
Како? - Преку креирање игри и кратки активности со образовна содржина, наменети за дечиња од 3 до 10 години.
Каде? - На
три-дневниот Хакатон - КРЕИРАЈ ИГРИ ЗА НАЈМЛАДИТЕ!
Ги покануваме да се пријават сите
креативни гејмери, девелопери, графички дизајнери, артисти и ентузијасти од секаков тип, кои би сакале да креираат игри наменети за најмалите. Пријавувањето може да биде индивидуално или во тим од 3 до 5 учесници.
Хакатонот ќе се одржи од 18ти до 20ти јули во просториите на НУБ „Св. Климент Охридски“.
Ова искуство ќе биде во опуштена и пријатна атмосфера, со многу дружење, можност за стекнување нови знаења и вештини, вмрежување и што е најважно, заедничко креирање на игри за најмилите!
Целта? - Во изработка е нова национална веб-платформа која сакаме да прерасне во дом на голем број материјали за едукација. Платформата ќе биде место каде одделенските наставници, воспитувачи и родители ќе можат да ги пронајдат потребните материјали и инспирација за подобро спроведување на часовите, нови начини на учење преку игра.
Повикот е отворен зa сите наставници, родители, како и за сите оние кои се инспирирани и мотивирани да придонесат кон подобрување на образованието на најмладите и да остават свој креативен белег на оваа платформа.
Сѐ што треба да направите е да пополните апликација на:
http://skrati.mk/KreirajIgri
Крајниот рок за пријавување е
07.07.2019
Овој хакатон е во склоп на проектот „Создавање средина што овозможува подобрување на квалитетот на наставата и учењето преку ко-креирање и иновации“ #Inno4Edu кој е финансиран од Владата на Обединетото Кралство преку Британската амбасада во Скопје, со поддршка на Министерството за труд и социјална политика, Министерството за образование и наука, Бирото за развој на образование и УНИЦЕФ, а го спроведува СмартАп – Лабораторијата за социјални иновации.
Повеќе информации на
https://www.facebook.com/events/420521905170127/