- Планирате да аплицирате со предлог проект на европските програми Хоризонт 2020 и Инструмент за мали и средни претпријатија?
- Потребни Ви се партнери за вашиот проект?
- Имате идеја за иновативно решение за Европски проект?
Учествувајте во истражувачки проекти, забрзајте ја вашата иновација и запознајте потенцијални партнери преку билатерални средби!
Enterprise Europe Network Македонија ja најавува „SME Vision 2020“, дводневна конференција која таргетира широк спектар на компании, универзитети и истражувачи од Европа со цел да се олесни формирањето на меѓународни партнерства за претстојните повици на Хоризонт 2020 и Инструментот за мали и средни претпријатија. Конференцијата ќе се одржи на 9ти и 10ти ноември и ќе понуди работилници за програмите Хоризонт 2020 и Инструментот за мали и средни претпријатија, презентации на компании добитници на грант од Инструментот за мали и средни претпријатија како и деловни средби за формирање партнерства.
Во рамки на конференцијата учесниците ќе имаат можност да ги претстават своите проектни идеи и да се обидат да формираат партнерство за европските програми за финансирање. Сите регистрирани и одобрени учесници ќе имаат можност да закажат деловни состаноци во времетраење од 20 минути по состанок.
Зошто да учествувате?
• Воспоставете рамка за успех на Хоризонт 2020 и Инструментот за мали и средни претпријатија
• Презентирајте, дискутирајте и развијте нови проектни идеи
• Иницирајте нови меѓународни партнерства
• Добијте релевантен фидбек и поддршка од експерти и претставници од Европска Комисија
Главни теми
• Инструмент за мали и средни претпријатија - Што очекуваме? - Natascia LAI (Европска Комисија)
• Подготовка на апликација за прва фаза Инструмент за мали и средни претпријатија - Michael Kerschbaumer (Styrian Business Promotion Agency)
• Комерцијализација (фаза 3) Инструмент за мали и средни претпријатија - Adela Hradilova, Moravian-Silesian Innovation Centre
• Подготовка на проектна апликација за Инструментот за мали и средни претпријатија - Evgeny Kossev, консултант за Инструмент за мали и средни претпријатија
Целни групи
Компании, универзитети, истражувачки организации, патент центри, стопански комори, кластери и др.
Сите заинтересирани може да се регистрираат на http://smevision.talkb2b.net/members/register најдоцна до 28 октомври. Учеството не се наплаќа!