Тактики што ги користат професионалците во продажбата од врата на врата

Продажбата често е обезбедена уште при контактот. Тоа се случува ако контактот што сте го оствариле навистина отворил комуникација и сте го убедиле својот потенцијален клиент дека сте искрено заинтересирани да му помогнете. Во текот на успешниот контакт секоја од страните ќе стекне пријател и на тој начин ќе го поплочи патот на продажбата, а во идеален случај и на континуираната продажба.

Важни елементи на вашиот контакт се вашата насмевка, облеката, ставот и волјата да слушате гледајќи го клиентот право в очи. Вашата невербална комуникација е важна исто колку и вербалната. Впечатокот што го оставате доаѓа од тоа што не го кажувате исто толку и од тоа што го кажувате.

Еве некои тактики што ги користат професионалците во продажбата од врата на врата:

Поздравете го топло и искрено својот потенцијален клиент, гледајќи го право в очи.
Дозволете му на потенцијалниот клиент да се приспособи на вас и на разговорот со вас. Не навалувајте, но не губете го ни времето на клиентот.
Најнапред почнете релаксиран, секојдневен разговор. Тоа нека биде пријателски разговор и нека не биде едностран. Бидете добар слушател, но ставете му до знаење на клиентот дека и вашето време е драгоцено. Тука сте да продавате, а не да зборувате.
Поставувајте релевантни прашања и внимателно слушајте ги одговорите.
Квалификувајте го потенцијалниот клиент. Одредете дали тој или таа се личноста со која би требало да разговарате – личноста што има авторитет да ви даде зелена светлина, да купи од вас. Во текот на контактот обидете се да дознаете што би требало да нагласите во презентацијата. Обидете се да го дознаете ставот на вашиот потенцијален клиент спрема вашиот вид понуда. Фокусирајте се на неговите стравови, очекувања и чувства, за да можете да ја прекроите својата презентација според нив.
Дознајте нешто за личноста со која го остварувате контактот за да се чувствува таа повеќе како личност отколку како потенцијален клиент. Направете ги потенцијалните клиенти слични на себе – луѓето уживаат да вршат работи со луѓе што им се допаѓаат. Но не бидете извештачени. Најдоброто што можете да го направите е вашиот клиент да се чувствува единствено и со тоа да докажете дека ги порепознавате неговата индивидуалност и неговите потреби.
Бидете кратки, пријателски настроени, отворени и навистина љубопитни. Но бидете тоа што сте.
Ако сте во малопродажно окружување, едно од најдобрите прашања за почнување на здрав контакт е: „Може ли да ве прашам што е тоа што денес ве доведе тука“ ?
Дури и иако продавате, не размислувајте за себе како за продавач, туку како за партнер на својот потенцијален клиент. Таквиот здрав став влијае поволно и врз клиентот и врз вашите шанси да извршите продажба. Сфатете дека имате можност да ги едуцирате своите потенцијални клиенти да успеат во она во што сакаат да успеат. Што побрзо дознајте во што сака да успее вашиот потенцијален клиент, а потоа покажете како тоа што го продавате ќе му помогне во тоа.

Продажбата од врата на врата пред се ги зацврстува вашите контакти, зашто гледањето в очи на клиентот е полично од пишувањето на писма, јавувањето на телефон или привлекувањето на вниманието со реклама.
Продажбата од врата на врата исто така е добар начин да утврдите кои забелешки ги имаат купувачите за вашата стока или услуга, ако има забелешки.
Таа ви носи моментални резултати и ви гарантира дека допрела до ушите на луѓето. Како и телевизиската реклама, ви овозможува да демонстрирате. Како и весниците, ви овозможува да ги соопштите вестите. И како маркетиншките директни реакции, ве опремува да добиете директна позитивна реакција.

Извадоци од книгата „Герила маркетинг“ од авторот Џеј Конрад Левинсон.

Тактики што ги користат професионалците во продажбата од врата на врата

КАТЕГОРИИ

Популарни тагови