Од идеја до бизнис за 54 часа
Станува збор за Techstars Startup Weekend powered by Google for entrepreneurs кој глобално има повеќе од 2900 настани во повеќе од 660 градови ширум светот. На настанот до сега имаaт учествувано повеќе од 193.000 учесници на глобално ниво со над 20.000 тимови формирани.
 
Startup Weekend Skopje 2018 ќе се одржи во просториите на CEED HUB од 19ти до 21ви Октомври,  каде се здружуваат, ентузијасти, програмери, маркетинг експерти, студенти, и претприемачи со цел да генерираат нови идеи за бизнис и успешно да ги реализираат. Повеќе информации околу настанот можете да најдете тука.
 
Зошто да учествувам?
  • Шансата да ја претставиш твојата идеја и да ја претвориш во реален бизнис;
  • Можноста да запознаеш експерти од локална и интернационална бизнис сцена;
  • Да оствариш вистински бизнис контакти и да бидеш дел од најголемиот стартап настан;
  • Да освоиш награди кои ќе ти овозможат понатамошно развивање на бизнис идејата;
 
Кого ќе имам можност да запознаам?
 
Startup Weekend ќе започне со презентирање на идеите на учесниците и формирање на тимови, кои заедно ќе работат на развивање на идеите. Нивната работа ќе биде поддржана од истакнати професионалци - Петар Лазаров - коосновач на Македонија Експорт, Ryan Chatterton - основач и главен уредник на Coworking Insights, Сашо Јадровски - iOS developer во InScale, Никола Анѓелковиќ - iOS developer во InScale, Мирослав Јанески – главен инженер во Nebb Solutions, Калин Бабушку – коосновач на Македонија Експорт, Иван Зографски – коосновач на Солвео, Стефан Митевски – главен извршен менаџер на Systems for Enterprise, Петар Ниновски – основач и главен менаџер на Brainster.co, Нина Николиќ – intrapreneur, Maрио Петковски – UX/UI дизајнер и front-end developer, Ивана Каралиева – маркетинг менаџер, Теодора Николовска – основач и главен менаџер на Vrootok, Aimee Holland – консултант во AimeHolland.com. Уште многу ментори дополнително ќе бидат објавени.
 
Oбезбедиш твоето место со време преку early bird пакетот, а влезница можеш да набавиш овде.