Фондацијата Претприемачки сервис за млади (ПСМ) и фирмите-станари на бизнис инкубаторот, донираа училишен материјал во дневниот центар за згрижување деца, во Автокоманда.
Донацијата се состои од тетратки, моливи, пенкала, водени боици, боенки, сликовници, пластелин и останат училишен прибор. Дневниот центар е институција која се грижи за згрижување на малолетни деца од улица, претежно од ромската популација, и на овие деца им овозможува топол оброк, облека и едукација.Извршниот директор на ПСМ Фондација, Љупчо Деспотовски, по повод врачувањето на донацијата изјави: Ја увидовме потребата од помош и во договор со директорот на дневниот центар придонесовме за подобро згрижување на овие деца и нивна понатамошна едукација.

Донацијата е одлика на општествената одговорност на ПСМ Фондација.ПСМ Фондација е формирана од СИНТЕФ и Фондација Институт Отворено Општество Македонија (ФИООМ). Главна цел е зајакнување на локалниот иновативен систем во Македонија, преку стимулирање на претприемништвото меѓу младите.Преку своите активности, ПСМ ги зацврснува линковите помеѓу младите луѓе во земјава, со цел да го забрза напредокот на малите и средните претпријатија, и да биде мост помеѓу постоечките понуди од образовните институции и потребите на бизнис секторот.